بەرزەوبۊنیگ لە 7% رەد کەێد.. هەردوگ خاو بەسرەی قورس و مامناوەند لە 80 دۆلار باز دەن

شەفەق نیوز - بەغداد

نرخەیل هەردوگ خاو بەسرەی قورس و مامناوەند، ئمڕوو سێشەممە، بەرزەوبۊنیگ وەرچەو وە زیاتر لە 7% تومار کردن، هاوەخت وەگەرد بەرزەوبۊن فرەی نرخەیل خاوە جەهانییەیل، وەپای نووترین داتایەیل بڵاوکریاگ ئەرا نرخەیل نەفت.

خاو بەسرەی قورس 80.43 دۆلار ئەرا هەر بەرمیلیگ تومار کرد، وە بەرزەوبۊنیگ وە بڕ 5.91 دۆلار و وە ریژەی 7.93%، لە وەختیگ خاو بەسرەی مامناوەند ئەرا 83.73 دۆلار ئەرا هەر بەرمیلیگ بەرزەو بۊ، وە زیایبۊنیگ کە رەسیە 5.91 دۆلار یا 7.59%.

لە ئاست جەهانی، خاو خوەرئاوای تەکساس ناوەندی ئەرا 86.67 دۆلار ئەرا هەر بەرمیلیگ بەرزەو بۊ، وە زیایبۊن 0.91 دۆلار یا 1.06%، لە وەختیگ خاو برێنت ئەرا 91.13 دۆلار بەرزەو بۊ، وە زیایبۊن 0.64 دۆلار یا 0.71%.

هەمیش خاو موربان ئەرا 98.45 دۆلار ئەرا هەر بەرمیلیگ بەرزەو بۊ، وە زیایبۊن 2.70 دۆلار یا 2.82%، لە وەختیگ سەبەتەی ئۆپێک رەسیە 89.59 دۆلار، وە بەرزەوبۊن 2.28 دۆلار یا 2.61%.