بەرزەوبوین هەواڵەی دەرەکی بانک ناوەندی عراق ئەرا ٩٩٪

شەفەق نیوز/ فرووش هەواڵەی دەرەکی لە زیایکردن ئاشکرای بانک ناوەندی، ئمڕوو سێشەممە، وەڕیژەی ٩٩% زیادیکردگە وەرانەور فرووش کاش و رەسیەسە زیاتر لە ٢٥٧ ملیۆن دۆلار. 

 پەیامنێر ئاژانسی شەفەق نیوز وت: ئمڕوو بانک ناوەندی لە زیادکردنەگەی بڕ 260 ملیۆن و 999 هەزار و 304 دۆلار فرووشتیە، کە وە نرخ بنەڕەتی ئاڵوگۆڕی 1310 دینار ئەرا هەر دۆلاریگ ئەرا کرێدیت بەڵگەنامەیی و یەکلاییکردن ناودەوڵەتی ئەرا کارت ئەلیکترۆنی، وە نرخ 1310 دینار ئەرا هەر دۆلاریگ ئەرا هەواڵەی دەرەکی، و وە نرخ 1,305 دینار ئەرا هەر دۆلاریگ وە کاش .

وتیش: فرەی فرووش دۆلار ئەرا قایمکردن باڵانسەیل دەیشت وڵات وەشیوەی هەواڵە و کرێدت چگە، کە بڕی 257 ملیۆن و 249 هەزار و 304 دۆلار بویە، کە وەڕیژەی 99% زیادیکردگە وەرانەور فرووشتن کاش کە بڕی 3 ملیۆن و 750 هەزار دۆلار بویە.

 پەیامنێرمان وتیش: شمارەی ئەو بانکەیلە کە دۆلار کاش سەننە یەک بانک بویە، و شمارەی ئەو بانکەیلە کە وەڵام داواکارییەیل بەرزکردن باڵانسەیل دانەسەو لە دەیشت وڵات ١٤ بانک بویە، بڕ گشتی کۆمپانیایل ئاڵوگۆڕی و دەڵاڵی کە بەشداری لە زیادکردنەگە کردنە ٤ کۆمپانیا بویە.