بەرزەوبوین نرخ دۆلار وەگەرد بەسیان بۆرسەیل لە بغداد و هەولێر
![بەرزەوبوین نرخ دۆلار وەگەرد بەسیان بۆرسەیل لە بغداد و هەولێر](https://arcellabucket.fra1.cdn.digitaloceanspaces.com/media/arcella/1725461052209.jpeg)
شەفەق نیوز/ نرخ دۆلار ئەمریکی وەرانەور دینار عراقی، ئمڕوو چوارشەممە، وەگەرد بەسیان بۆرسەیل سەرەکی بەغداد پایتەخت، و لە هەولێر پایتەخت هەرێم کوردستان، بەرزەو بوی.
پەیامنێر ئاژانس شەفەق نیوز وت: بۆرسەیل سەرەکی کیفاح و حارسیە لە بەغدای پایتەخت، ئیوارەی ئمڕوو، لەبان نرخ 149350 دينار عراقی وەرانەور 100 دۆلار ئەمریکی دەرەیلیان بەسان.
شەوەکی ئمڕوو، نرخ 100 دۆلار ئەمریکی رەسیە 149200 دينار عراقی.
پەیامنێر ئاژانسمان وتیش: نرخ فرووشتن و سەنین لە دوکانەیل ناوخوەیی بەغداد بەرزەو بوی، کە نرخ فرووشتن 100 دۆلار ئەمریکی رەسیە 150250 دينار عراقی و نرخ سەنینی رەسیە 148250 دينار عراقی.
لە هەولێر پایتەخت هەرێم کوردستان، نرخ دۆلار هەمیش وەگەرد بەسیان بۆرسە بەرزەو بوی، کە نرخ فرووشتن 100 دۆلار ئەمریکی رەسیە 149300 دينار عراقی، و ز نرخ سەنینی رەسیە 149200 دينار عراقی.