بەرزەوبوین نرخ دۆلار وەگەرد بەسیان بازاڕەیل بەغداد
2022-04-23T15:21:10+00:00
شەفەق نیوز/ نرخ دۆلار ئەمریکی وەرانوەر دینار عراقی، ئمڕوو شەممە، وەگەرد بەسیان بۆرسەی سەرەکی بەغداد، وەشیوەی کەمیگ بەرزەو بوی.
پەیامنێر ئاژانس شەفەق نيوز وت: بۆرسەی کیفاح و حارسیە لە بەغداد پایتەخت لەبان ١٤٧٥٠٠ دینار عراقی وەرانوەر ١٠٠ دۆلار ئەمریکی دەرەیلیان بەسان.
شەوەکی ئمڕوو نرخ دۆلار رەسیە ١٤٧٤٥٠ دینار عراقی وەرانوەر ١٠٠ دۆلار ئەمریکی.
پەیامنێر ئاژانس شەفەق نيوز وتیش نرخ فرووشتن و سەنین لە دوکانەیل ناوخۆیی بەغداد جیگیرە، ک نرخ فرووشتن رەسیە ١٤٨٠٠٠ دینار عراقی وەرانوەر ١٠٠ دۆلار ئەمریکی، و نرخ سەنینی رەسیە ١٤٧٠٠٠ دینار.
