بەرزەوبوین نرخ دۆلار لە بەغدا و هەولێر
![بەرزەوبوین نرخ دۆلار لە بەغدا و هەولێر](https://media.shafaq.com/media/arcella/1707294069567.jpg)
2024-02-07T08:21:32+00:00
شەفەق نيوز/ نرخ دۆلار ئەمریکی وەرانوەر دینار عراقی، ئمڕوو چوارشەممە، لە بۆرسەی سەرەکی بەغداد پایتەخت و لە هەولێر بەرزەوبوی .
پەیامنێر ئاژانس شەفەق نيوز وت: نرخ دۆلار بۆرسەی کیفاح و حارسیە لە بەغداد پایتەخت شەوەکی ئمڕوو رەسیە 152200 دینار عراقی وەرانوەر 100 دۆلار ئەمریکی. رووژ سێشەممە، نرخ دۆلار رەسیە 152000 دینار عراقی وەرانوەر 100 دۆلار ئەمریکی.
پەیامنێرمان وتیش؛ نرخ فرووشتن و سەنین لە دوکانەیل بەغداد رەسیە 153250 دینار عراقی وەرانوەر 100 دۆلار ئەمریکی، و نرخ سەنینی رەسیە 151250 دینار.
لەهەولێر پایتەخت هەرێم کوردستانیش نرخ دۆلار بەرزەوبوی وەخوەیدی، کە نرخ فروشتن رەسیە 151800 عراقی وەراوەر 100 دۆڵار ئەمریکی، و نرخ سەنینی 151700 عراقی وەرانوەر 100 دۆلار ئەمریکی.