بەرزەوبوین نرخ دۆلار لە بەغدا و جیگیربوینی لە هەولێر
2023-01-05T07:59:55+00:00
شەفەق نيوز/ نرخ دۆلار ئەمریکی وەرانوەر دینار عراقی، ئمڕوو پەنجشەممە، لە بۆرسەی سەرەکی بەغداد پایتەخت بەرزەوبوی و هەرێم کوردستان جیگیربوی.
پەیامنێر ئاژانس شەفەق نيوز وت: نرخ دۆلار بۆرسەی کیفاح و حارسیە لە بەغداد پایتەخت شەوەکی ئمڕوو رەسیە 156200 دینار عراقی وەرانوەر 100 دۆلار ئەمریکی، دویکە 156000 توومار کریا.
پەیامنێرمان وتیش؛ نرخ فرووشتن و سەنین لە دوکانەیل بەغداد جیگیرە، ک نرخ فرووشتن رەسیە 156750 دینار عراقی وەرانوەر 100 دۆلار ئەمریکی، و نرخ سەنینی رەسیە 155750 دینار.
لەهەولێر پایتەخت هەرێم کوردستانیش نرخ دۆلار جیگیربوی وە خوەی دی ، ک نرخ فروشتن رەسیە 156000 عراقی وەراوەر 100 دۆڵار ئەمریکی، و نرخ سەنینی 155950 عراقی وەراوەر 100 دۆلار ئەمریکی.
