بەرزەوبوین نرخ دۆلار لە بەغدا و جیگیربوینی لە هەولێر

شەفەق نيوز/ نرخ دۆلار ئەمریکی وەرانوەر دینار عراقی، ئمڕوو یەکشەممە، لە بۆرسەی سەرەکی بەغداد پایتەخت بەرزەوبوی و هەرێم کوردستان  جیگیربوی.    

پەیامنێر ئاژانس شەفەق نيوز وت: نرخ دۆلار بۆرسەی کیفاح و حارسیە لە بەغداد پایتەخت شەوەکی ئمڕوو رەسیە 149650 دینار عراقی وەرانوەر 100 دۆلار ئەمریکی،  دویکە 149550 شەممە توومار کریا.

پەیامنێرمان وتیش؛ نرخ فرووشتن و سەنین لە دوکانەیل بەغداد جیگیرە، ک نرخ فرووشتن رەسیە 150000 دینار عراقی وەرانوەر 100 دۆلار ئەمریکی، و نرخ سەنینی رەسیە 149000 دینار.              

لەهەولێر پایتەخت  هەرێم کوردستانیش نرخ دۆلار جیگیربوی وە خوەی دی ، ک نرخ فروشتن رەسیە 149600 عراقی وەراوەر 100 دۆڵار ئەمریکی، و نرخ سەنینی 149500 عراقی وەراوەر 100 دۆلار ئەمریکی.