بەرزەوبوین نرخ دۆلار لە بەغداد و هەولێر
2023-05-27T08:17:45+00:00
شەفەق نیوز/ نرخ دۆلار ئەمریکی وەرانەوەر دینار عراقی، ئمڕوو شەممە، لە بۆرسەی سەرەکی بەغداد پایتەخت، و لە بازاڕەیل هەرێم کوردستان بەرزەو بوی.
پەیامنێر ئاژانس شەفەق نیوز وت: نرخ دۆلار ئەمریکی وەرانەوەر دینار عراقی، شەوەکی ئمڕوو، لە بۆرسەی سەرەکی کیفاح و حارسیە لە بەغداد پایتەخت، رەسیە ١٤٦١٠٠ دینار عراقی وەرانوەر ١٠٠ دۆلار ئەمریکی.
شەوەکی رووژ پەنجشەممەی گوزەشتە، نرخ ١٠٠ دۆلار ئەمریکی رەسیە ١٤٥٩٠٠ دینار عراقی.
پەیامنێر ئاژانسمان وتیش: نرخ فرووشتن و سەنین لە دوکانەیل ناوخوەیی بەغداد جیگر بوی، ک نرخ فرووشتن ١٠٠ دۆلار ئەمریکی رەسیە ١٤٧٠٠٠ دینار عراقی، و نرخ سەنینی رەسیە ١٤٥٠٠٠ دینار عراقی.
لە هەولێر پایتەخت هەرێم کوردستان، نرخ دۆلار هەمیش بەرزەوبوین توومار ، ک نرخ فرووشتن ١٠٠ دۆلار ئەمریکی رەسیە ١٤٦٦٠٠ دینار عراقی، و نرخ سەنینی رەسیە ١٤٦٥٥٠ دینار عراقی.
