بەرزەوبوین کەمیگ نرخ دۆلار لە بەغداد و هەولێر وەگەرد بەسیان بۆرسەیل

شەفەق نیوز/ نرخ دۆلار ئەمریکی وەرانوەر دینار عراقی،  ئمڕوو شەممە، وەگەرد بەسیان  بۆرسەی سەرەکی لە بەغداد پایتەخت   و  هەولێر   بەرزەوبوی.       

پەیامنێر ئاژانس شەفەق نيوز وت: بۆرسەی کیفاح و حارسیە لە بەغداد، لە وەخت بەسین 153600 عراقی وەرانوەر 100 دۆلار ئەمریکی توومار کردن. لە شەوەکی ئمڕوو 153250 عراقی وەرانوەر 100 دۆلار بوی.

پەیامنێرمان وتیش؛ نرخ فرووشتن و سەنین لە دوکانەیل ناوخۆیی بەغداد بەرزەوبوی، نرخ فرووشتن رەسیە 154750 دینار عراقی وەرانوەر 100 دۆلار ئەمریکی،  و نرخ سەنینی رەسیە 152750 دینارعراقی .    

لە هەولێریش وەرگەرد بەسیان بۆرسە نرخ دۆلار  بەرزەوبوی و نرخ فرووشتنی رەسیە 153600 دينار وەرانوەر 100 دولار، نرخ فروشتن 153400 دينار وەرانوەر 100 دولار.