بەرزەوبوین کەمیگ نرخ دۆلار لە بەغداد و جیگیربوینی لە هەولێر وەگەرد بەسیان بۆرسەیل
2024-05-14T14:38:56+00:00
شەفەق نیوز/ نرخ دۆلار ئەمریکی وەرانەور دینار عراقی، ئیوارەی ئمڕوو سێشەممە، وەگەرد بەسیان بۆرسەی سەرەکی بەغداد پایتەخت وەشیوەی کەمیگ بەرزەو بوی، و لە هەولێر پایتەخت هەرێم کوردستان جیگیر بوی.
پەیامنێر ئاژانس شەفەق نیوز وت: بۆرسەی سەرەکی کیفاح و حارسیە لە بەغدای پایتەخت، ئیوارەی ئمڕوو، لەبان نرخ 145800 دينار عراقی وەرانەور 100 دۆلار ئەمریکی دەرەیلیان بەسان.
شەوەکی ئمڕوو، نرخ 100 دۆلار ئەمریکی رەسیە 145600 دينار عراقی.
پەیامنێر ئاژانسمان وتیش: نرخ فرووشتن و سەنین لە دوکانەیل ناوخوەیی بەغداد جیگیر بوی، کە نرخ فرووشتن 100 دۆلار ئەمریکی رەسیە 146750 دينار عراقی، و نرخ سەنینی رەسیە 144750 دينار عراقی.
لە هەولێر پایتەخت هەرێم کوردستان، نرخ دۆلار وەگەرد بەسیان بۆرسە جیگیر بوی، کە نرخ فرووشتن 100 دۆلار ئەمریکی رەسیە 145600 دينار عراقی، و نرخ سەنینی رەسیە 145500 دينار عراقی.
