بەرزەوبوین کەمیگ نرخ دۆلار لە بەغداد
شەفەق نیوز/ نرخ دۆلار ئەمریکی وەرانوەر دینار عراقی، ئمڕوو شەممە، لە بۆرسەی سەرەکی بەغداد پایتەخت، وەشیوەی کەمیگ بەرزەو بوی.
پەیامنێر ئاژانس شەفەق نيوز وت: نرخ دۆلار بۆرسەی کیفاح و حارسیە لە بۆرسەی کیفاح و حارسیە لە بەغداد پایتەخت، شەوەکی ئمڕوو رەسیە ١٤٨٥٥٠ دینار عراقی وەرانوەر ١٠٠ دۆلار ئەمریکی، ولە رووژ پەنجشەممەی گوزەشتە رەسیە ١٤٨٥٠٠ دینار.
پەیامنێر ئاژانسمان وتیش: نرخ فرووشتن و سەنین لە دوکانەیل ناوخۆیی بەغداد جیگیرە، ک نرخ فرووشتن رەسیە ١٤٩٠٠٠ دینار عراقی وەرانوەر ١٠٠ دۆلار ئەمریکی، و نرخ سەنینی رەسیە ١٤٨٠٠٠ دینار عراقی.
لە هەولێر پایتەخت هەرێم کوردستان، بۆرسە لە رووژەیل پشوو فەرمی کار نیەکەێد، وەلێ لە دوکانەیل ئاڵشتکردن پارە لە بازاڕەیل ناوخوەیی نرخ فرووشتن ١٠٠ دۆلار ئەمریکی رەسیە ١٤٨٥٥٠ دینار عراقی، و نرخ سەنینی رەسیە ١٤٨٤٥٠ دینار عراقی.
