بەرزەوبوین کەمیگ نرخ تەڵا لە بازاڕەیل عراق و جیگیربوینی لە هەولێر

پەیامنێر ئاژانس شەفەق نيوز وت: نرخ فرووشتن یەک مسقاڵ عەیار 31 لە تەڵای خەلیجی و تورکی و ئەوروپی لە بازاڕەیل بڕ فرووشتن لە جادەی نەهر بەغدای پایتەخت رەسیە 404 هەزار دینار، و نرخ سەنینی رەسیە 400 هەزار دینار.   

پەیامنێر ئاژانسمان وتیش: نرخ فرووشتن یەک مسقاڵ عەیار 31 لە تەڵای عراقی هەمیش بەرزەوبوی توومار کرد لەپای 374 هەزار دینار، و نرخ سەنینی رەسیە 370 هەزار دینار.  

لەباوەت نرخ تەڵا لە دوکان زەرەنگەریل، نرخ فرووشتن یەک مسقاڵ تەڵای خەلیجی عەیار 21 هالە ناونی 405 هەزار دینار و 415 هەزار دینار، و نرخ فرووشتن یەک مسقاڵ تەڵای عراقی ها ناونی 380 هەزار دینار و 375 هەزار دینار.

لەباوەت نرخ تەڵا لە هەولێر جیگیربوین توومارکرد نرخ یەک مسقاڵ تەڵای عەیار 24 رەسیە 465 هەزار دینار و مسقالیگ عەیار 22 رەسیە 430 هەزار دینار و نرخ عەیار 21 رەسیە 415 هەزار دینار و تەڵای عەیار 18 رەسیە 350 هەزار دینار.