بەرزەوبوین کەمیگ لە نرخ تەڵا لە بازاڕەیل عراق
2022-05-28T08:24:53+00:00
شەفەق نیوز/ نرخ تەڵای بیگانە و عراقی لە بازاڕە ناوخۆیەیلە، ئمڕوو شەممە، وەشیوەی کەمیگ بەرزەو بوی.
پەیامنێر ئاژانس شەفەق نيوز وت: نرخ فرووشتن یەک مسقاڵ عەیار ٢١ تەڵای خەلیجی و تورکی و ئەوروپی لە بازاڕەیل بڕ فرووشتن لە جادەی نەهر بەغدای پایتەخت رەسیە ٣٨١ هەزار دینار، و نرخ سەنینی رەسیە ٣٧٧ هەزار دینار.
پەیامنێر ئاژانسمان وتیش: نرخ فرووشتن یەک مسقاڵ عەیار ٢١ لە تەڵای عراقی هەمیش بەرزەوبوین کەمیگ وەخوەی دی لەپای ٣٤١ هەزار دینار، و نرخ سەنینی رەسیە ٣٣٧ هەزار دینار.
لەباوەت نرخ تەڵا لە دوکان زەرەنگەریلە، نرخ فروشتن یەک مسقاڵ تەڵای خەلیجی عەیار ١١ ها ناونی ٣٨٠ هەزار دینار و ٣٩٠ هەزار دینار، و نرخ یەک مسقاڵ تەڵای عراقی ها ناونی ٣٤٠ هەزار دینار و ٣٥٠ هەزار دینار.
