بەرزەوبوین فرووشەیل هەواڵەی دەرەکی بانک ناوەندی عراق وەڕیژەی ٩٩٪

شەفەق نیوز/ فرووش هەواڵە دەرەکییەیل لە زیایکردن ئاشکرای بانک ناوەندی عراق، ئمڕوو سێشەممە، وەڕیژەی ٩٩% زیایکردگە وەرانەور فرووشتن  نەختینەیی و رەسیەسە زیاتر لە ٢٨١ ملیۆن دۆلار. 

 پەیامنێر ئاژانس شەفەق نیوز وت: ئمڕوو بانک ناوەندی لە زیایکردنەگەی 283 ملیۆن و 782 هەزار و 147 دۆلار فرووشت، کە وە نرخ بنەڕەتی  یەک هەزار و 310 دینار ئەرا هەر دۆلاریگ ئەرا کرێدیت دۆکیۆمێنتاری و یەکلاییکردن ناودەوڵەتی ئەرا کارت ئەلیکترۆنی، وە نرخ یەک هەزار و 310  دینار ئەرا هەر دۆلاریگ ئەرا هەواڵەی دەرەکی، و وە نرخ 1,305 دینار ئەرا هەر دۆلاریگ وە کاش .

 پەیامنێرمان وتیش:  فرەی فرووشەیل دۆلار ئەرا قایمکردن باڵانسەیل دەیشت وڵات وەشیوەی هەواڵە چگە، کە بڕی ٢٨١ ملیۆن و ٦٣٢ هەزار و ١٤٧ دۆلار بویە، کە وەڕیژەی ٩٩% زیایکردگە وەچەو فرووش نەختینەیی کە ٢ ملیۆن و ١٥٠ هەزار دۆلار بویە.

وتیش: شمارەی ئەو بانکەیلە کە دۆلار کاش سەننە یەک بانک بویە، و شمارەی ئەو بانکەیلە کە وەڵام داواکارییەیل بەرزکردن باڵانسەیل دانەسەو لە دەیشت وڵات رەسیەسە 12 بانک، و بڕ گشتی کۆمپانیایل ئاڵوگۆڕ و دەڵاڵی کە بەشداری لە زیایکردنەگە کردنە 5 کۆمپانیا بویە.