بەرزەوبوین دۆلار لە بەغداد و هەرێم کوردستان
2021-07-05T07:52:35+00:00
شەفەق نیوز/ نرخ دۆلار، ئمڕوو دووشەممە، لە بۆرسەی سەرەکی بەغداد و هەرێم کوردستان وەشیوەی کەمیگ بەرزەو بوی.
پەیامنێر ئاژانس شەفەق نیوز وت: بۆرسەی کیفاح و حارسیە لە بەغداد ١٤٧٢٠٠ دینار وەرانوەر ١٠٠ دۆلار ئەمریکی تۆمار کردن. دوێەکە یەکشەممە نرخ دۆلار لە بۆرسەی سەرەکی کیفاح رەسیە ١٤٧١٥٠ دینار وەرانوەر ١٠٠ دۆلار.
پەیامنێرەگەمان نشان دا ک نرخ فرووشتن و سەنەین لە دوکانەیل ئاڵشتکردن لە بازاڕە ناوخۆیلە ئارام گرد ک نرخ فرووشتن رەسیە ١٤٧٥٠٠ دینار، و نرخ سەنین رەسیە ١٤٦٥٠٠ دینار وەرانوەر ١٠٠ دۆلار ئەمریکی.
لە هەولێر پایتەخت هەرێم کوردستان نرخ دۆلار هەمیش بەرزەوبوین وەخوەی دی ک نرخ فرووشتن رەسیە ١٤٧٤٠٠ دینار وەرانوەر ١٠٠ دۆلار ئەمریکی، و نرخ سەنین رەسیە ١٤٧٠٠٠ دینار وەرانوەر ١٠٠ دۆلار ئەمریکی.
