بەرزەوبوین دۆلار لە بەغداد و ئارامگردنی لە هەرێم کوردستان
2021-01-11T08:11:33+00:00
شەفەق نیوز/ ئمڕوو دووشەممە ١١ی کانون دوویەم ٢٠٢١ ، نرخ دۆلار لە بازاڕەگان بەغداد بەرزەوبوی، و ئارامگرد لە هەرێم کوردستان.
پەیامنێر ئاژانس شەفەق نیوز وت: بۆڕسەی کیفاح ناوەندی ئمڕوو، ١٤٣٢٥٠ دینار عراقی وەرانوەر ١٠٠ دۆلار ئەمریکی تۆمارکرد، و بۆڕسەی حارسیە ١٤٣٢٥٠ دینار وەرانوەر ١٠٠ دۆلار تۆمار کرد.
دوێەکە یەکشەممە، نرخ دۆلار لە بۆڕسەی کیفاح رەسیە ١٤٢٨٠٠ دینار وەرانوەر ١٠٠ دۆلار ئەمریکی.
پەیامنێرەگەمان ئاماژەدا ک نرخ فرووشتن و سەنەین لە بازاڕە ناوخۆیەگان لە بەغداد هەمیش بەرزەو بوی ک نرخ فرووشتن رەسیە ١٤٤٢٥٠ دینار عراقی، ونرخ سەنین رەسیە ١٣٢٢٥٠ دینار وەرانوەر ١٠٠دۆلار ئەمریکی.
لە هەولێر پایتەخت هەرێم کوردستان نرخ دۆلار ئارامی وەخوەی دی ک نرخ فرووشتن رەسیە ١٤٣٥٠٠ دینار وەرانوەر ١٠٠ دۆلار، و سەنین بویە ١٤٣٠٠٠ دینار وەرانوەر ١٠٠ دۆلار ئەمریکی.
