بەرزەبوین نرخ دۆلار وەگەرد بەسیان بۆرسەی بەغداد و داوەزیانی لە هەولێر
2023-07-24T13:59:22+00:00
شەفەق نیوز/ نرخ دۆلار ئەمریکی وەرانوەر دینار عراقی، ئمڕوو دووشەممە، وەگەرد بەسیان بۆرسەی سەرەکی بەغداد پایتەخت بەرزەو بوی، و لە هەولێر پایتەخت هەرێم کوردستان داوەزیا.
پەیامنێر ئاژانس شەفەق نیوز وت: بۆرسەی سەرەکی کیفاح و حارسیە لە بەغداد، ئیوارەی ئمڕوو، لەبان نرخ ١٥٣٣٠٠ دینار عراقی وەرانوەر ١٠٠ دۆلار ئەمریکی دەرەیلیان بەسان.
شەوەکی ئمڕوو، نرخ ١٠٠ دۆلار ئەمریکی رەسیە ١٥٣٠٠٠ دینار عراقی.
پەیامنێر ئاژانسمان وتیش؛ نرخ فرووشتن و سەنین لە دوکانەیل ناوخوەیی بەغداد بەرزەو بوی، ک نرخ فرووشتن ١٠٠ دۆلار ئەمریکی رەسیە ١٥٤٥٠٠ دینار عراقی، و نرخ سەنینی رەسیە ١٥٢٥٠٠ دینار عراقی.
لە هەولێر پایتەخت هەرێم کوردستان، نرخ دۆلار ئەمریکی وەگەرد بەسیان بۆرسە داوەزیان توومار کرد، ک نرخ فرووشتن ١٠٠ دۆلار ئەمریکی رەسیە ١٥٣٣٥٠ دینار عراقی، و نرخ سەنینی رەسیە ١٥٣٢٥٠ دینار عراقی.
