بەرزەبوین ئامار قوربانیەیل کارەسات حەمدانیە
2023-10-03T12:50:17+00:00
شەفەق نیوز/ فەرمانگەی تەندروسی پارێزگای نەینەوا، لە بەیاننامەی نوویگ، ئمڕوو سێشەممە، بەرزەبوین ئامار مردنەیل هۆڵ سویرەیل لە قەزای حەمدانیە خوەرھەڵات شار مووسڵ راگەیان، کە رەسیە ١١٩ قوربانی، کە لە ئەنجام سزیانیان گیانیان لەدەس دان.
لەلای خوەیانیش، چالاکوانەیلیگ خەوەردان لە مردن باوگ وەیوەگە لەناو رویداوە هۆڵ سویرەگە لە حەمدانیە، لەناو ئەو هەیشت تەرم دویاییە بوی.
هەرلیوا، تەرم ٩ قوربانی وەرجە نیمەڕو ئمڕوو لە قەورسان قیامەت لە قەزای حەمدانیە نریانە خاک، وەگورەی قسەی پەیامنێر ئاژانس شەفەق نیوز.
