"بێجی" وەپشتگووش حکومەت خریاگە.. خاک سووتەمەنی هیمان هالە نەهامەتی
شەفەق نیوز/ وەرپرسیگ خۆجێیی لە سەڵاحەدین، ئمڕوو جمعە، راگەیان لە پلانەیلیگ نەتەوەیی ئەرا ئامادەکردن پڕۆژیەیلیگ ژیان وگوزرانی لە قەزای بێجی باکوور سەڵاحەدین.
سەعەد خەزعەل پارێزگار سەڵاحەدین ئەرا ئاژانس شەفەق نیوز وت: رێکخراو نەتەوە یەکگرتووەکان UNDB رەزامەنی دا لە ئامادەکردن پڕۆژیەیلیگ خزمەتگوزاری لە ناوچەیل قەزای بێجی، وە هەماهەنگی وەگەرد وەڕێۆبەرایەتی پارێزگاگە، و زاقتریان ئامادەکردن کارەگای قیل بێجی، و بووریەیل تووڕ تەندروسی لە ناوچەیل بێجی، وفراوانکردن تووڕ ئاو ناحیەی زویە و ئامادەکردن ناوەنەدەیل تەندروسی لە ناوچەیل مسحەک و ئاوای شەت.
خەزعەل دووپاتکرد ک UNDB ئەوەسا ٢٠٠ دوکان بازرگانی لە ناحیەی سینیە ئامادە کەێد، ئەرا خاسەوکردن ژیان و گوزران و ئابووری و وەپشتسەرناین گرفتەیل جەنگ و تیرۆر ک وە درێژایی ساڵەیل گوزەیشتە لە داعش بویەو.
خەزعەل وتیش؛ بێجی ک ناوی نریاگە وە ئیمارەی سووتەمەنی لە عراق، هیمان هالە نەهامەتی و هەمیشە لە وەپشتگووش خستن حکومەت ناوەندی زیان وە خوەی دوینێد، هەرچەن رایگەیان جوور ناوچەیگ نەهامەتی دی لە وەرجە ٤ ساڵەو، وهەرچەن گەوراترین پاڵاو نەفتی هالە ناوی (پاڵاو بێجی).
