بومبیگ لەژیر گیزەر ماڵیگ لە ئەعزەمیە تەقێدەو
2022-07-02T14:45:53+00:00
شەفەق نیوز/ سەرچەوەیگ ئەمنی، ئمڕوو شەممە، خەوەردا ک ژنیگ زەخمدار بویە وە تەقیان بومبیگ دانریاگ لەژیر گیزەریگ لەناو ماڵەگەی لە باکوور بەغداد.
سەرچەوەگە ئەرا ئاژانس شەفەق نیوز وت: بومبیگ دروسکریاگ دانریاسە ژیر گیزەر ماڵیگ، لە ناوچەی ئەعزەمیە، تەقیەو وبویە هووکار زەخمداربوین ژن ماڵەگە، ودیاری کرد ک پسپۆڕ تەقینەوە ک رەسیە شوین رویداوەگە، ئاشکرای ئەوە کرد ک بومبیگ لەژیر گیزەرەگە بویە.
سەرچەوەگە وتیش: ژنەگە بریا خەسەخانەیگ نزیک، و لە لێکولینەوە دیاری کرد ک رویداوەگە لەوەر ناکۆکی خیزانی بویە.
وەرجەیە، سەرچەوەیگ ئەمنی خەوەردا ک گیزەر ماڵیگ لە ناوچەی ئەعزەمیە تەقیەسەو، و زەخمداری لەلی نەویە.
