به‌ڵگه.. وه‌زيريگ ده‌س له‌كاركيشانه‌وه‌ى خوه‌ێ پيشكه‌ش وه عه‌بدولمه‌هدى كرد
2019-09-15T10:34:54+00:00
شه‌فه‌ق نيوز/ عه‌لائه‌دين عه‌لوان وه‌زير ته‌ندروستى و ژينگه، ده‌س له‌كاركيشانه‌وه‌ى خوه‌ى پيشكه‌ش وه سه‌رۆك وه‌زيره‌يل كرد له رووژ په‌نجشه‌مه‌ى 12ى ئه‌يلول و باس له‌وه‌يش كرد هووكاره‌يليگ له‌يوا كردگه ده‌س له‌كار بكيشێده‌و.
وه‌زير له ده‌س له‌كاركيشانه‌وه‌ى ئه‌وه ده‌رخستگه ك سوپاسگوزاره له عادل عه‌بدولمه‌هدى له‌بان ئه‌و متمانه ك وه‌پى داشته‌سه‌ێ وه‌ل وه‌رده‌وامى رينمايى له‌باره‌ى كه‌رت ته‌ندروستى و ژينگه‌يى له‌وه‌خت ئه‌نجامداين كاره‌يلێ له ماوه‌ى مانگه‌يل گوزه‌يشت و له هه‌مان وه‌خت سوپاسگوزارييش پيشكه‌ش وه هاوكاره‌يل له ئه‌نجومه‌ن وه‌زيره‌يل و ئه‌نجومه‌ن نوێنه‌ره‌يل كرد و له وه‌زاره‌ته‌گه‌يش ك وه‌ليا هاوكار بوينه له وه‌خت ئه‌نجامداين ئه‌ركه‌يلێ.
