بلاسخارت لە بمبارانەگەی هەولێر: نموونەیگ ترە لە تەقەلا ملهڕەکان ئەرا هەڕەشەی ئارامی عراق
![بلاسخارت لە بمبارانەگەی هەولێر: نموونەیگ ترە لە تەقەلا ملهڕەکان ئەرا هەڕەشەی ئارامی عراق](https://media.shafaq.com/media/arcella/1618475363727.jpeg)
شەفەق نیوز/ خانمە نۆێنەر ئەمیندار گشتی نەتەوە یەکگرتگەیل، ئمڕوو پەنجشەممە، شەرمەزار بمبارانە مووشەکیەگە کرد ک رەسیە بارەگایگ هاوپەیمان ناودەوڵەتی لە فڕۆکەخانەی ناودەوڵەتی هەولێر.
بلاسخارت لەبان تویتەر نووسان: رووداوەیل دوێەشەو لە هەرێم کوردستان، نموونەیگ ترە لەو تەقەلایل ملهڕانە ئەرا ژاوەژاوکردن ئاڵووزیەکان و هەڕەشەی ئارامی عراق.
وتیش؛ ئیمە شەرمەزار ئی کارەیل توندڕەویە کەیمن، و هان حکومەتەیل فیدڕاڵی و کوردستان لەبان جوولەکردن وەزوی و یەکەو دەیمن ئەرا نواگردن هەڕەشەیلیگ زیاتر.
ناوخۆی هەرێم کوردستان راگەیان ئامانجکردن ناونەد هاوپەیمان ناودەوڵەتی لە فڕۆکەخانەی ناودەوڵەتی هەولێر وە فڕۆکەیگ بیفڕۆکەوان مادەی سەخت تەقەمەنی (تی ئێن تی) هەڵگردگە.