بلاسخارت عراق هیلێدە جی
بلاسخارت لە کۆتایی وتارەگەی وت: ئومید خوازم لە گشت شوینەیل جەهان عراق بناسن، کە وڵاتیگ فرە رەنگینە، و هەمەڕەنگی لە کەلتوریگ دەوڵەمەن دیرێد، کە دەرفەتەیل فرەیگ هەس ئەرا وەدەسهاوردن.
وتیش: دەسخوەشی لە گشت عراقیەیل کەم وە ژن و وەپیاویان لەبان قوبانیدان و هاز و قویلی پەیاندییان ئەرا بیناکردن عراقیگ گەش و دیموکڕاسی و ئاشتەوایی.. بژیەی عراق.
دیاری کرد کە لە کانوون یەکەم ٢٠١٨ رەسیمە بەغداد، و ئیسە، دویای پەنج شاڵ، دی مەوقەی ئەوە هات کە بویشم بنیشنەو خێر، و مەزەنە کەم لە کۆتایی ئایار لە پۆستەگەم دەرچم، کار ئاسانیگ نییە، لە خوەشی و لە تەنگی عراق بویە بەشیگ لەلیم.
راگەیانن بلاسخارت لە وازهاوردنی یا کۆتاییهاوردن وە ئەرکەیلی لە عراق چشتیگ ناکاوی بوی ئەرا گشتی، لەناو پرسیارەیلیگ لە مدووەیل ئی وازهاوردنە یا دەرچگنەر ئایا وە ئارەزوو خوەی هاتیە، یا وە فەرمان ئەمیندار گشتی نەتەوە یەکگرتگەیل بویە؟.
