باڵيۆز ئيران له به‌غدا هه‌ڕه‌شه‌ێ په‌لامارداين هيزه‌يل ئه‌مريكى ئه‌كا له عراق
2019-09-27T12:08:29+00:00
شه‌فه‌ق نيوز/ ئيران وشدارى دا ئه‌مريكا وه ئه‌وه‌گ ئامانجه‌يلێ ناوخوه‌يى له عراق بۆردومان ئه‌كا له حاڵه‌ت ئه‌نجامداين هه‌ر په‌لاماريگ دژێ و جه‌ختيش له‌بان خواست ده‌ركردن هيزه‌يل ئه‌مريكى كرد له عراق و باقى ده‌وڵه‌ته‌يل ناوچه‌گه.
له‌ى باوه‌ته‌و, ئيره‌ج مه‌سجدى باڵيۆز ئيران له به‌غدا وت: جه‌نگ له به‌رژه‌وه‌ندى واشنتۆن يا ته‌هران نيه‌و يه‌يش ده‌رخست ك وڵاه‌گه‌ى هيزه‌يل ئه‌مريكى له عراق يا هه‌ر شوونيگ تر بۆردومان ئه‌كا له حاڵه‌تيگ ئه‌گه‌ر به‌رژه‌وه‌نديه‌يل ئيران بگيريه‌ێده ئامانج.
جى باسه، مه‌سجدى هه‌ميش وت: كۆمار ئسلامى جه‌نگ ناخوازێد وه‌ل ئه‌مريكيه‌يل يا هه‌ر لايه‌نيگ تر، له هه‌مان وه‌خت وشدارييش دا ك جه‌نگ له به‌رژه‌وه‌ندى وڵاته‌يل يه‌كگرتگ و ئيران نيه.
