باوگیگ لە کەرکوک کورپەگەی کوشێد و لەناو تانکی ئاو نوقمی کەێد
2024-09-02T07:02:13+00:00
شەفەق نیوز/ سەرچەوەیگ ئەمنی لەپارێزگای کەرکوک، ئمڕوو دووشەممە، خەوەردا پیایگ مناڵە 3 مانگەگەی کوشتیە، لەری تاسانننی و لەناو تانکی ئاو نوقمی کردیە لە باشوور پارێزگاگە.
سەرچەوەگە ئەرا ئاژانس شەفەق نیوز ئاشکەرایکرد "پۆلیس لە تاوانیگ کوشتن خەوەردار کریاس کە لە ناحیەی تازە (15 كم باشوور کەرکوک ) رویدایە، باوگیگ گنج تەمەن 28 ساڵنن مناڵەگەی وە دەس خنکانیە و ئەرا شاردنەوەی تاوانەگەی لەناو تانکی ئاو نوقمی کەێد".
سەرچوەگە دووپاتکرد "هێزەیل پۆلیس توەنستنە باوگەگە دسگیربکەن تەرم مناڵەگەش لەناو تانکی ئاو درارن، ئەرا پزیشک دادوەری کلکریا تا دەسبکرێد وە وشکنینەیل پێویست".
وتیش؛ "باوگەگە ئیرنگە لە زیندان دسوەسەر کریاس، لە لێکۆڵینەوە راگەیاندیە تاوانەگە لەوەر گیچەڵیگ خیزانی وەگەرد خێزانەگەی ئەنجامدایە".
