بانک ناوەندی عراق وەماوەی چەن ساعەتیگ زیاتر لە 280 ملیۆن دۆلار هەواڵەی دەیشت کەێد
شەفەق نیوز/ فرووش حەواڵە دەرەکییەیل لە زیایکردن ئاشکرای بانک ناوەندی عراق، ئمڕوو یەکشەممە، وەڕیژەی 98% وەرانوەر فرووش کاش زیایکردگە و رەسیە زیاتر لە 280 ملیۆن دۆلار.
پەیامنێر ئاژانس شەفەق نیوز وت: ئمڕوو بانک ناوەندی لە زیایکردنەگەی بڕ 285 ملیۆن و 603 هەزار و 220 دۆلار فرووشت، کە وە نرخ بنەڕەتی ئاڵوگۆڕی 1310 دینار ئەرا هەر دۆلاریگ ئەرا کرێدیت دۆکیومێنتکاری و یەکلاییکردن ناودەوڵەتی ئەرا کارت ئەلیکترۆنی چگە، و وەنرخ 1310 دینار ئەرا هەر دۆلاریگ ئەرا هەواڵەی دەرەکی، و وە نرخ 1305 دینار ئەرا هەر دۆلاریگ وە کاش.
وتیش: فرەی فرووشەیل دۆلار ئەرا قایمکردن باڵانسەیل دەیشت وڵات وەشیوەی هەواڵە و قەرزکردن چگە، کە بڕی 280 ملیۆن و 503 هەزار و 220 دۆلار بویە، کە وەڕیژەی 98% زیاییکردگە وەرانەور فرووشتن نەختینەیی کە تەنیا 5 ملیۆن و 100 هەزار دۆلار بویە.
پەیامنێرمان وتیش: شمارەی ئەو بانکەیلە کە دۆلار کاش سەننە یەک بانک بویە، و شمارەی ئەو بانکەیلە کە وەڵام داواکارییەیل بەرزکردن باڵانسەیل دانەسەو لە دەیشت وڵات 13 بانک بویە، و بڕ کۆی گشتی کۆمپانیایل ئاڵوگۆڕ و دەڵاڵی کە بەشداری لە زیایکردنەگە کردنە رەسیە 8 کۆمپانیا.
