بانك ناوه‌ندى له‌وه‌ر مه‌ترسى كۆرۆنا ئاموژگارى له‌باره‌ى مامه‌ڵه‌كردن وه‌پويل نه‌خت دا
2020-03-05T17:23:09+00:00
شه‌فه‌ق نيوز/ بانك ناوه‌ندى عراقى، داوا له بازرگانه‌يل و هاوولاتيه‌يل كرد خوه‌يان دوير بگرن له مامڵه‌كردن وه داين پويل نه‌ختى، ئه‌ويش له‌وه‌ر دويرخستنه‌وه‌ى مه‌ترسى ڤايرۆس كۆرۆناى تازه.
بانك ناوه‌ندى عراقى له به‌ياننامه‌يگ ئه‌را شه‌فه‌ق نيوز وت: وه ريكه‌فت وه‌ل ئى بارودۆخه ك روێ له وڵاته‌گه كردگه و له‌ئه‌نجام چه‌وديرى بانك ناوندى داوا له بازرگانه‌يل و هاوولاتيه‌يل ئه‌كه‌يم مامڵه وه هووكاره‌يل وه‌رگرتن و داين ئه‌لكترۆنى بكه‌ن و خوه‌يان دوير بگرن له مامڵه‌كردن وه پويل نه‌خت.
جى باسه، يه‌يش له‌وه‌ختيگه عراق ئاشكراى 3 حاڵه‌ت مردن له‌ئه‌نجام تويشهاتن وه ڤايرۆس كۆرۆنا كرد، دووان له به‌غدا و يه‌كيگيش له سلێمانى، وه‌ل تويشهاتن 38 كه‌س.
