بانزین و ئاو تێکڵاو کردن.. ئەمن عراق وەرپرسیگ نەفتی و وەڕێوبەر بانزینخانەیگ گرێد
2020-08-09T14:26:05+00:00
شەفەق نیوز/ سەرچەوەیگ ئەمنی لە دیالە، ئمڕوو یەکشەممە، خەوەردا وە گردن وەڕێوبەر بەرهەمە نەفتیەگان لە پارێزگاگە، و وەڕێوبەر بانزینخانەیگ، لە وەر ئاشکراکردن بڕ فرەیگ لە ئاو لەناو ئەمارەیل بانزینخانەگە.
سەرچەوەگە ئەرا ئاژانس شەفەق نیوز وت: هێزیگ لە دەزگای ئەمن نیشتمانی، و تیمەیل دژە تاوان ئابووری، نیمەڕوو ئمڕوو، دەسگیر حەیدەر عامری کردن وەڕیوبەر بەرهەمە نەفتیەگان.
وتیش: هێزەگە هەمیش دەسوەسەر جەعفەر هادی کرد وەڕێوبەر بانزینخانەی بەعقوبەی کۆن، وەگەرد دووان لە فەرمانبەرەیل.
سەرچەوەگە دیاری کرد؛ دەسگیرکردنەگە لە پشت ئاشکراکردن دەور ٨٠٠ لەتر ئاو لەناو ئەمارەیل بانزینخانەگە هات، وئاماژەدا ک چەودیریەگە وەردەوامە لە وەر سکاڵایلیگ لە هاووڵاتیەگان ک ماشینەیلیان خراوبوی
