بارزانی ئەرا غانمی: هیمان سیاسەت ئاڵشتکردن دیمۆگڕاڤی و زەوی لەکورد بردن لە کەرکوک وەردەوامە
شەفەق نیوز/ مەسرور بارزانی سەرۆک حکومەت هەرێم کوردستان، ئمڕوو شەممە، چەوی کەفتە عوسمان غانمی وەزیر ناوخۆی حکومەت فیدڕاڵی.
حکومەت هەرێم لە بەیاننامەیگ رەسیە ئاژانس شەفەق نیوز وت: لە سەرەتای چەوپیکەفتنەگە باس لە شیوەیل بتەوکردن هەماهەنگیە ئەمنی هاوبەشەگە لەناوبەین حکومەت هەرێم کوردستان و حکومەت فیدڕاڵی کریا، وەتایبەت وەوەگ پەیوەندی وە پەلامارە مووشەکیەگە لەبان هەولێر دیرێد، ک رەسیە ئەنجامەیل خاسیگ وەهووکار هەماهەنگیە خاسەگە لەناوبەین هەردوگلا.
و ئاماژە کرد ک هیمان سیاسەت ئاڵشتکردن دیمۆگڕاڤی و دەسدریژی لەبان هاووڵاتیە کوردەکان و دەسناین لەبان زەویەیلیان لە کەرکوک و ئەو ناوچە کوردستانیەکان لە دەیشت ئیدارەی هەرێم وەردەوامە، وتیش؛ ئی رەوش نا سرووشتی و نا دەستووریە نێکەفێدە بەرژەوەنی هاووڵاتیەیل عراق وبایەدە نوای بگریەێد.
هەمیش لە چەوپێکەفتنەگە جەخت لەبان گرنگی جیوەجیکردن رێککەفتنەگەی شەنگال کریا، و دەرچگن میلیشیا و هێزە چەکدارە نا فەرمیەکان لە ناوچەگە.
هەرلیوا، هەردوگلاگە باس لە دانووستانەکان ناوبەین هەرێم کوردستان و حکومەت فیدڕاڵی لەباوەت بوودجەی ساڵ ٢٠٢١ کردن، و هەمیش باوەت هەڵبژاردن هاتگ.
