پیایگ ئەنباری مناڵ شیرخوەرەیگ لەبان ری ناودەوڵەتیگ لە باشوور عراق رزگارکەێد
2025-12-04T13:03:38+00:00
شەفەق نیوز ـ زیقار
سەرچەوەیگ ئەمنی، ئمڕوو پەنجشەممە، خەوەردا لە پەیاکردن کورپەیگ لە کنار ری ناودەوڵەتی ناوەین پارێزگایەیل زیقار و بەسرە.
سەرچەوەگە وە ئاژانس شەفەق نیوز وت؛"هاوڵاتیيگ خەڵک پارێزگای ئەنبار لەبان ری ناودەوڵەتی خێرا ناوەین پارێزگایەیل زیقار و بەسرە مشین رانێد مناڵیگ 3 مانگان پەیاکەێد کە لەبان کنار ریەگە فڕەدریاس".
وتیش پیاگە "دەسوەجی یەکیگ لە دەوریەیل ئەمنی نزیک خەوەردارکردیە، مناڵەگە ئەرا خەستەخانەی سوق شیوخ بریاس ئەرا چەودێریکردن تەندروسی و پیشکەشکردن چەودێری پێویست".
سەرچەوەگە وتیش "هێزەیل ئەمنی لێکۆڵینەوەی فراوانیگ لە چۆنیەتی رویداوەگە وازکردیە ئەرا ناسین کەسوکار مناڵەگە، و ئەو لایەنەیلە هان لە پشتی".
