ئاگر 500 تەن لە مادەی گۆگرد لە نەینەوا سزنێد و زەخمداری وە مدوو دزەکردن مادەی کلۆر لە باشوور بەغدا

شەفەق نیوز ـ نەینەوا

وەڕێوەبەرایەتی وەرگیری شارستانی، ئمڕوو سێشەممە، لە بەیاننامەیگ راگەیان، تیمەیلی لە پارێزگای نەینەوا رویوەروی ئاگریگ بوینە کە لە ئەمار گەپیگ 500 تەنی هیزگردیە لەناو کارخانەی گۆگردی مەشراق، هووکار رویداوە لەوەر کارەیل لەحیمکاری لەناو ئەمارەگە.

لە رویداو ترەک کراکاریگ ویستگە زەخمداربوی لە ئەنجام رویوەرویبوین وە رویداو تاسیان  لەوەر دزەکردن غاز کلۆر لە قنینەیگ یەک تەنی لەناو ویستگەی پاڵاوتن ئاو  "فازل جعار" سەر وە ناوچەی "سويب" باشوور بغدای پایتەخت.

سەرچەوەیگ ئەمنی وە ئاژانس شەفەق نیوز وت، تیمی وەرگیری شارستانی لە شوین رویداوەگە توەنستن کۆنترۆل دزەکردنەگە بکەن، لەهەمان وەخت زەخمدارەگە ئەرا وەرگردن چارەسەر کلکریارە خەستەخانە.