ئاگر و خوەیکوشتن لە زیقار

شەفەق نیوز ـ زیقار

سەرچەوەیگ ئەمنی، ئمڕوو دووشەممە، خەوەردا دوو رویداو ئەمنی توومارکردنە، یەکیگیان خوەیکوشتنە لە قەزای غوراف باکوور شار ناسریە ناوەن پارێزگاگە.

هەمیش، سەرچەوەگە وە ئاژانس شەفەق نیوز راگەیان، "ئاگر گەپیگ سێ باخ خورما  سزانییە لەناوچەی ئال عەوید لە قەزای غەراف، ئاگرەگە بویەسە مدوو لەدەسداین 100 دار خورما" وتیش "ئاگرەگە وە مدوو شۆرت کارەبا رویدایە، وەپای لێکۆڵینەوەیل سەرەتایی لە رویداوەگە".

سەرچەوەگە وتیش، "قەزای غەراف خوەیکوشتن دویەتیگ بیس ساڵان توومارکردیە، کە وە شال خوەی وەقێ قەواسەی ماڵ هەڵواسیە لە ناوچەی سەوادم" وتیش "تا ئیسە لای دەزگایەیل ئەمنی هووکار خوەیکوشتنەگەی نادیارە، تەرماگەی ئەرا پزیشک دادوەری کلکریاس ئەرا تەووکردن رێکارەیل یاسایی".