ئاگر گەورەیگ لەناوچەی کەڕادە ناوڕاس بەغداد.. وێنە + ڤیدیۆ
شەفەق نیوز/ وەڕێۆبەرایەتی وەرگری مەدەنی، ئمڕوو شەممە، راگەیان ئاگر گەورەیگ لەناو مولدەی کارەبا و بڕەیل فرەیگ لە سوتەمەنی گاز وەگەرد ئەماریگ و رووبەر ٦٠٠ مەتر و ئامێرەیل کارەبایی لەناوی بوی، لە ناوچەی کەڕادە دوڕیان مەسبەح لەناوڕاس بەغداد.
وەگورەی بەیاننامەی وەڕێۆبەرایەتی وەرگری شارستانی ک رەسیە ئاژانس شەفەق نیوز: زیاتر بە ١٦ تیم ئاگرکوژێنەوە وە کادرەیل تەواوی ئەرا کپەوکردن ئاگرەگە کل کردگە، و تا مەترسی فراوانبوینی و رەسینی ئەرا ئەمارەیل بازرگانی لە شان شوین رووداوەگە دویرەو بخەن.
ودیاری کرد ک دویای تەقەلای گەورەیگ توێنستن ئاگرەگە کپەو بکەن وەبی تۆمارکردن زەخمداربوین وەگەرد کەمەوکردن زەرەدە داراییەکان لەناو ئەو ئەمارە ک لەوەر بەرزەوبوین پلەی گەرمی و نواگردن گوڵپەی ئاگرەگە، وەڕێۆبەرایەتیەگە تووشهاتن یەکیگ لە ئەندامەیلی وە شەکەتی سەختیگ کرد، ک ئیسە خاسەو بویە.
وتیش؛ هووکار ئاگرەگە لەوەر سزیان موەلدەی کارەباگە و سوتەمەنی گازەگەی بوی ک ئیجا رەسیە ئەمارەگەی شانی.
