ئاگر ناو باخیگ لە دیالە پەراشەیل تەقەمەنی لەناوی وەشنێد

شەفەق نیوز/ سەرچەوەیگ ئەمنی ئاگادار لە دیالە، ئمڕوو شەممە، خەوەردا لە تەقیان ئەماریگ تەقەمەنی لەوەر هیزگردن ئاگریگ لەناو باخیگ لە دەورگرد ناحیەی ئەبو سێدا.

خەوەرەیل باس ئەوە کردن ک هاتێ ئەو ئامارەیل تەقەمەنیە هن گرووپیگ چەکدار بوود یا هن بازرگانەیل چەک.

سەرچەوەگە ئەرا ئاژانس شەفەق نیوز وت: ئاگر لەناو جوویگ هیز گرد و رەسیە ناو باخیگ لە دەورگرد ئاوای زهێرات لە ناحیەی ئەبو سێدا، وبویە هووکار تەقیان و وەشیان گولە و پەراشەیل وەگەرد دەنگ رممەی تونیگ.

سەرچەوەگە وتیش: ئەو تەقینەوە لە ئەمار چەکەگە  هیمان نیەزانن کی خاوەنیە، وتیش: تیمەیل ئاگرکوشانەوە توەنستن ئاگرەگە کپەو بکەن، وهیزیگ ئەمنی رەسیە شوین رویداوەگە ئەرا لێکوڵینەوە و ئاشکراکردن بندروس ئی تەقەمەنیە.