ئاگر لەناو دوکان و ئەماریگ سیرامیک هیزگرێد لە عامریە
شەفەق نیوز/ وەڕێوەبەرایەتی بەرگری شارستانی راگەیان، ئمڕوو دووشەممە، ئاگریگ کپەوکردنە کە لە شمارەیگ لە دوکان و ئەممار تایبەت وە بازرگانی سیرامیک لە ناوچەی عامیریە لە خوەرئاوای بەغدای پایتەخت هیزگردیە.
وەڕێوەبەرایەتییەگە لە بەیاننامەیگ رەسیە ئاژانس شەفەق نیوز راگەیان، تیمەیل وە تەواوی کۆنتڕۆڵ ئاگرەگە کردنە، کە لە چوار ئەمار و چوار فرۆشگای بازرگانی کە لە پانێڵ ساندویچ و پانێڵ جینکۆ دروستکریانە، وەپیچەوانەی ڕێنماییەیل سەلامەتی و مەرجەیل بەرگری شارستانین.
وتیش، تیمەیل وەرگیری شارستانی تەقەلایەیل خوەیان دانە ئاخڵەی شوین ئاگرەگە دان، دوکان و ئەمارەیل سزیاگ بەسانە و دەسکردنە وە ئۆپراسیۆنیگ راستەوخوەی وە چگنە ناو جەرگەی ئاگرەگە، و سەرکەفتی بوین لە کپەوکردن سەردەوکردنی وەبی هویچ توومارکردنیگ زەخمداری، وەرد کەمەوکردن زەردەیل مادی.
وەپای بەیاننامەگە، وەڕێوەبەرایەتیەگە دەسکردیە وە وازکردن لێکۆڵینەوە لە بنکەی پۆلیس وەرپرس لە ناوچە جوگرافیاگە، وەرد بانگ داواکردن لە پسپۆر بەڵگەناسی تاوان ئەرا دیاریکردن هووکار هیزگردن ئاگرەگە.
