ئاگریگ لەناو بازاڕیگ جەماوەری لە بەغداد
![ئاگریگ لەناو بازاڕیگ جەماوەری لە بەغداد](https://media.shafaq.com/media/arcella/1666251236691.jpeg)
شەفەق نیوز/ تیمەیل وەرگری شارستانی، ئمڕوو پەنجشەممە، ئاگریگ لەناو بینایگ لە بازاڕیگ جەماوەری خوەرهەڵات بەغداد پایتەخت کپەو کردن.
لە بەیاننامەیگ رەسیە ئاژانس شەفەق نیوز وت: تیمەیل وەرگری شارستانی، وە سەرپەرشتیاری وەڕیەوبەری لیوا کازم بۆهان، رویداو ئاگریگ لەناو بینایگ بازرگانی دوو قاتی کپەو کردن، ک دوکانەیلیگ جویراجویر لەناوی بویە، و فرەیان وە پێشێلکردن مەرجەی سەڵامەتی کریانە، ئەوەیش لەناو بازاڕ ناوچەی ئەمین لە خوەرهەڵات بەغداد.
بەیاننامەگە دیاری کرد ک تیمەیل وەرگری شارستانی ئاگرەگە گیر هاوردن ورخ فراوانبویژی وەرەو بینایل شانی دویرە خستن، و کۆتایی وە کپەوکردن و سەردەوکردن رویداوەگە هاوردن وەبی توومارکردن زەخمداری، وەگەرد کەموکردن زەرەدەیل دارایی.