ئاگر لە پیەڵیگ کارەبایی پیادە هیزگرێد لە باشوور عراق(ڤیدیۆ)

شەفەق نیوز/ سەرچەوەیگ ئەمنی لە زیقار باشوور عراق، ئمڕوو چوارشەممە، خەوەردا لە هیزگردن ئاگر لە پیەڵیگ کارەبایی لەبان ری " یاحسێن" لەناوڕاس شار ناسڕیە ناوەن پارێزگاگە.

سەرچەوەگەوە وە ئاژانس شەفەق نیوز خەوەردا لە "سزیان پیەڵیگ کارەبایی پیادە لەبان ری یاحسێن لەناوڕاس شار ناسڕیە ناوەن پارێزگای زیقار".

دیاریکرد، "تیمەیل وەرگیری شارستانی توەنستن ئاگر پیەڵەگە کپەوبکەن".

لە باوەت هووکار ئاگرەگە ئاشکرایکرد، "گلاوخوەێد ئەرا رویداو شۆرتکردن کارەبایی لەناو پیەڵەگەو هامشوو ئەرا ناوی".