ئاگر دووارە لە شوین رویداو تەنکەرەگە لە بان ری شوعلە لە بەغدا هیزگرێد
شەفەق نیوز ـ بەغدا
سەرچەوەیگ لە وەڕێوەبەرایەتی وەرگری شارستانی، شەوەکی ئمڕوو یەکشەممە، خەوەردا ئاگرەگە دووارە لە شوون رویداو پلیان تەنکەریگ بارکریای وە مادەی "گازۆیل" لە بان ری خێرا لە ناوچەی شوعلە لە باشوور خوەرئاوای بەغداس پایتەخت هیزگرد.
سەرچەوەگە لە قسەیلی ئەرا ئاژانس شەفەق نیوز، دووارە هیزگزدن ئاگرەگە گلەودا ئەرا بەرزەوبوین پلەی گەرمی و کارلێکردن وەگەرد مادەی "گازۆیل" مەنیاگ لە شوین روداوەگە.
دیاریکرد، ئامێرەیل تیمەیل ئاگرکپەوکردن دەسکردن وە دەورەدان ئاگرەگە و نواگیری لە بڵاوبوینی، لە وەختیگ بڕیاردریا ریەگە وە شێوازیگ وەختانە بوڕێد ئەرا ئەنجامدان کار شوردن و پاکەوکردن شوینەگە لە سزەمەنی و مادەیل سزیاگ.
ئیوارەی دویەکە شەممە، سێ کەس گیان لەدەسدان و لەناویان راندەی بارهەڵگروێد، وە مدوو پلیان بارهەڵگریگ کە مادەی گازۆیل هەڵگردوی لەبان خێرای هەمان ناوچە.
