پەیاکردن گەنجینەیگ ئاسەواری لە سەردەم عەباسی لە نەجەف
شەفەق نیوز/ حەسەن نازم وەزیر روشنهۊری و گەشتوگوزار عراقی، ئمڕوو دووشەممە، ئاشکرای پەیاکردن گەنجینەیگ ئاسەورای گرنگ کرد، چوودەو ئەرا سەردەم عەباسی لە پارێزگای نەجەف.
حەسەن لە کۆنگرەیگ رووژنامەوانی لە نەجەف وت: شاندیگ مینەکردن عراقی ئەو گەنجینە لە تەل ئەسوەد لەناوچەی کری سەعدە لە سنوور شار کووفە پەیا کرد، ک کویزیگ خەڕگینە چشتەیلیگ ئاسەواری گران هاناوی، لە تەڵا وملوانک و کلکوانە وگووشپارە و کویز تەڵایی، و سەنگ دەگمەن وهەیژدە دینار تەڵای پەتی، نشانەی خەلیفەیل موعتەمید بیلا و موقتەدر بیلا و موستەکفی بیلا دیرن، وەگەرد زیاتر لە ١٠٠ درهەم نوقرە.
وتیش: تیم وەشکین هەمیش فرە چشتەیلیگ وە مس دروس کریانە لە شوینەیل جیاجیا پەیا کرد، و لەوەر تەڕی ونمەک فەوتیانە، وەگەرد پەیاکردن بتوڵ و لیوان شووشەیی بویچگ.
وتیش تیمەگە شکیاگ چشتەیل خەڕگین لە قاتەیل زەوی پەیا کردن، ک وەشیوەی توکمەیگ دروس کریانە وبریقە دیرن، ک یە بەڵگەی سەردەم دویایین عەباسی بویە.
لەلای خوەییش، عەلی شەلغەم وەڕیەوبەر گشتی فەرمانگەی مینەکردن و وەشکین وت: ئی پەیاکردن ئاسەواریە یەکیگە لەو پەیاکردنەیل ئاسەواری گرنگە لە کەرت ئاسەواری و کەلەپوور، لەوەر ئەو پارچەیل دەگمەن و گرنگە ک لە پارچەیل ئاسەواری تەڵایی ونوقرە وکانزایی و سەنگ وشویشە پەیا کریانە.
