پەیاکردن دوو تەرم لە باکوور خوەرئاوای دووزخورماتوو

شەفەق نیوز/ سەرچەوەیگ ئەمنی لە قەزای دووزخورماتوو،  ئمڕوو سێشەممە، خەوەردا لە پەیاکردن دوو تەرم ناو ماڵ تەواونەکریاگ واجیهیلیایگ لەناوچەیگ ئاوایی لە باکوور خ،ەرئاوای قەزاگە.

سەرچەوەگە ئەرا ئاژانس شەفەق نیوز ئاشکرایکرد "هێزەسل ئەمنی دوو تەرمەگە پەیاکردنە و لێکۆڵینەویل سەرەتایی ناسنامەیگ یەکیگ لە ترمەیل دیاریکردیە، کە چوودەو ئەرا پیایگ دانشتگ ناوچەی عزێم، کە ماوەی چەن ساڵیگە لەو ناوچەس ئەرابژێوی زندگی پشت وە کشاوەرزی بەسایە".

وتیش؛ "لایەنەیل پەیوەنیدار لێکۆڵینەوەی فراوانیگ وازکردنە ئەرا زانینچۆنیەتی رویداوەگە و هووکارەیلی، تا ئیسە ناسنامەی دویەمین تەرم دیارنییە".