پەیاکردن درۆنیگ "بۆمبرێژکریاگ" لە رەزوانیە

شەفەق نیوز ـ بەغدا

سەرچەوەیگ ئەمنی، ئمڕوو سێشەممە، خەوەردا لە پەیاکردن درۆنیگ بۆمرێژکریاگ لە ئاوای مەراسمە سەر وە قەزای رەزوانیە خوەرئاوای بەغدا.

سەرچەوەگە وە ئاژانس شەفەق نیوز وت، وەپای زانیاری سەرەتایەیل لە وەختیگ گوزەشتە وەخوارکەفتیە، و هاتێ لە ئەنجام رویداوەیل بویە کە لەی ماوەی کۆتاییە ناوچەگە وەخوەی دییە.

وتیش؛ هێزەیل ئەمنی لەناو فرۆکەگە بڕیگ تەقەمەنی پەیاکردنە، وەرجە ئەوەگە لاوریەێد و ئەرا شوین بیوەیگ بوەریەێد، وەپای رێکارەیل یاسایی.