پەیاکردن تەرم مامووستایگ لە خانەقین کە یە سێ رووژە دیاری نییە

شەفەق نيوز- ديالە

سەرچەوەیگ ناوخوەیی لە دیالە، ئمڕوو پەنجشەممە، خەوەردا لە پەیاکردن تەرم مامووستایگ لە دەورگرد قەزای خانەقین، کە یە چەن رووژیگە بیسەروشوینە.

 سەرچەوەگە ئەرا ئاژانس شەفەق نیوز وت: هاوڵاتی (هزراز جاف)، مامووستاس خەڵک کەلارە، بە سێ رووژە دیاری نەمەنیە، دویەکە نزیک زانکۆی خانەقین پەیا کریا.

 وتیش: لایەنەیل ئەمنی تەرمەگە ئەرا پزشک دادوەری لە بەعقووبە بردن، ئەرا زانستن مدوو مردنی، دیاری کرد کە لێکۆڵینەوە ئەرا رەسین وە بندروس رویداوەگە وەردەوامە.