پەیاکردن تەرمیگ لەژیر رمیاگ بیناگەی واسق لەناوڕاس بەغداد
![پەیاکردن تەرمیگ لەژیر رمیاگ بیناگەی واسق لەناوڕاس بەغداد](https://media.shafaq.com/media/arcella/1664712991800.jpeg)
شەفەق نیوز/ تیمەیل وەرگری شارستانی، ئمڕوو یەکشەممە، تەرمیگ لەژیر رمیاگ بینای رمیاگ تاقیگەی نیشتمانی لەناوڕاس بەغداد پەیا کردن.
سەرچەوەیگ ئەمنی ئەرا ئاژانس شەفەق نیوز وت: کارەیل مینەکردن لەژیر رمیایەگە رەسیە پەیاکردن تەرم یەکیگ لە قوربانیەیل.
سەرچەوەگە وتیش: تەرمەگە هن پاسەوان بیناگە بوی، وتیش؛ هیمان مینەکردن وەردەوامە.
وەرجەیە، وەچەودیەیلیگ و کەسوکارەیل قوربانیەیل رمیان بینای تاقیگەی نیشتمانی لە ناوڕاس بەغداد، ئەرا ئاژانس شەفەق نیوز وتن: تا ئیسە ٤ کەس لە کەسوکارەیلیان پەیا نەکریانە.
شەوەکی رووژ شەممە، وەڕێەوبەرایەتی وەرگری شارستانی خەوەردا لە رمیان بینایگ چوار قاتی لە ناوچەی کەرادە لە بەغداد پایتەخت.