یەکیگیان مناڵیگە "سەتوتە" رانییە.. مردن و زەخمداری 3 کەس لە زیقار و نەجەف
2025-05-01T13:09:28+00:00
شەفەق نیوز/ سەرچەوەیگ ئەمنی لە پارێزگای زیقار، ئمڕوو پەنجشەممە، خەوەردا لە شار ناسریە ناوەن پارێزگاگە مردن کەسیگ و و زەخمداری کەسیگ ترەک.
سەرچەوەگە وە ئاژانس شەفەق نیوز وت، "رویداویگ هاتوچوی لەبان ری گشتی ناوەین قەزای فەجر و قەلعە رویدایە، لە ئەنجام پلیان ماشینیگ لە جویر ( تویۆتا)، ریداوەگە بویە مدوو مردن گەنجیگ خوار بیس ساڵان و زەخمداری سەختیگ کەسیگ بیس ساڵان.
لە پارێزگای نەجەف، سەرچەوەیگ ئەمنی خەوەردا لە مردن مناڵیگ جویر راندەی سەتوتە کارکردیە لە ئەنجام پلیان ماشینەگەی لەناوچەی کویچەی میلاد لەناوڕاس شارەگە.
