پەیامانەیلیگ حکومەتی کۆتایی وە ناڕەزایل خانەقین تیارن
شەفەق نیوز/ چالاکوانەیلیک شارستانی لە خانەقین، ئمڕوو یەکشەممە، دووپات کردن ک دویای پەیمانەیلیگ حکومەتی و ریکارەیلیگ ئەرا چارەکردن گرفتەیل خزمەتگوزاری کۆتایی وە خۆپیشاندانەگەی خانەقین هات.
عەباس ئەرکەوازی چالاکوان راگەیانن و رووشنهویری ئەرا ئاژانس شەفەق نیوز وت: ئیدارەی خانەقین وەگەرد خۆپیشاندەرەیل گردەو بوی و رێک کەفتن لەبان چارەسەرکەردن گرفتەیل خزمەتگوزاری خانەقین لەماوەی یەک مانگ وە هەماهەنگی وەگەرد حکومەت دیالە و فەرمانگەیل حکومەتی و خزمەتگوزاری.
وتیش: لە بنەمای رێککەفتنەگە خۆپیشاندەرەیل خوەیان لە وەردەم بینای قایمقامیەت خانەقین کیشانەو،و دەرفەت وە حکومەت خۆجێیی دان ئەرا چارەسەرکەردن گرفتەیل و جیوەجیکردن خوازینەیل خزمەتگوزاری.
ئەرکەوازی وتیش: هێزەیل فیدڕالی لە بەغداد ری ناودەوڵەتی مەرز مەنزەریە واز کردن و چادرەیل لەبان ریەگە لاوردن تا کاروانەیل بازرگانەیل رەد بوون.
ئەرکەوازی دووپات کرد ک ویستکەی کارەبای جوولەکەریگ لە بەغدادەو رەسیە خانەقین، تا چارەسەر بڕیان کارەباگە بکەێد.
