ئامار.. نزیکەی ١٦٠ لە قوربانییەیل بازرگانیکردن وە ئایەم لە عراق خریانەسە ماڵەیل ئیوەتکردن
غەراوی لە راپۆرتیگ ناوەندەگە بڵاوی کرد وت: ئامارەیل ئەو ١٥٨ قوربانیە وەیجویرە بەشەو بوی؛ ٣٨ قوربانیەیل بازرگانیکردن سێکسی، ١٧ قوربانیەیل کار زوورەملی کە دوو مناڵ لەناویان بوی، ٢٦ قوربانی وەشیوەیگ نادیار، هەفت دویەت و ١٧ مناڵ، وەگەرد ٧٧ قوربانی بازرگانیکردن وە ئایەم لە هەرێم کوردستان.
وتیش: لەناو ئەو ١٥٨ قوربانیە، حکومەت فیدراڵی ٢٧ قوربانی ئەرا پەناگەی قوربانیەیل بازرگانیکردن وە ئایەم کل کرد، کە وەزارەت کار و کاروبارەیل کۆمەڵایەتی وەڕییەو بەێد، و ٣٥ لەلیان بیگانە بوینە، دریا دەس ریخریاییگ ناحکومەتی تا شوینیگ ئەرایان پەیا بکەێد.
هەرلیوا، ئەو قوربانیەیل ترەک ئەرا شوینەیل چەودیاریکردن تەندروسی کل کریانە، یا داوا کردنە وەرد خیزانەیل خوەیان بمینن،
سەرۆک ناوەندەگە وتیش: شمارەی ئەوانەگ لەبان تاوانەیل بازرگانیکردن وە ئایەم لە ساڵ ٢٠٢٣ دەسگیر کریانە رەسیە ٦٣٦ کەس، و لە ساڵ ٢٠٢٢ شمارەیان ١٢٩ کەس بوی.
