ئامار پەلامارەگەی داعش لە نزیک خانەقین

شەفەق نیوز/ سەرچەوەیگ ئەمنی لە پارێزگای دیالە، ئمڕوو شەممە، خەوەردا ک ئامار پەلامارەگەی داعش لەبان خاڵیگ سەربازی لە دەورگرد خانەقین رەسیە ٣ قوربانی لە سەربازیەیل وەکەرد باوەڕ پزشکیگ لە خەسەخانەی جەلەولا کار کەێد و زەخمداری یەک سەرباز و ٤ مەدەتی وەگەرد زەردبویت ماشینیگ فریاکەفتن و ویرانی ماشینیگ کەیا  و سزیان ماشینیگ هەمەر.

سەرچەوەگە ئەرا ئاژانس شەفەق نیوز وت:  پەلامارە تیرۆریەگە لەبان خاڵیگ سوپا سەروە لیوای یەکەم لە فیرقەی یەکەم لە خاڵ حەلوان لەناوبەین جەلەولا و خانەقین وە قەناس و چەک ناوڕاسی بوی و هەنای ماشین  فریاکەفتن رای وەرەو شوین پەلامارەگە کرد، ئەوەیش کەفتە وەر پەلامار ک باوەڕ پزشکیگ کوشیا.

سەرچەوەگە وتیش؛ هێزەیل سوپا وەردەوامن لە وەشکین و پڕەوکردن دەورگرن رووداوەگە و پەلاماردەرەیل وەرەو باکوور جەلەولا واین.