"پاسەوان پەرلەمانتاریگ"... دەسگیرکردن رانندەی ماشین "باجیرۆ" لە بەغداد

لە بەیاننامەیگ رەسیە ئاژانس شەفەق نیوز وت، لەبان تووڕەیل کۆمەڵایەتی پارچە ڤیدیۆی رانندەی ماشینیگ لە جویر باجیرۆ بڵاوبویە  پۆلیسیگ هاتوچو تلنێد کە هەڵسیایە وە وەجیڕەسانن ئەرکەگەی لە بەغداد بویە هووکار ئەوەگە مەردم داواکەن لێپرسینەوە لە ئەنجامدەرەگە بکرێد.

ئاژانس هەواڵگێری لە بەیاننامەیگ راگەیان، دەسوەجی تیمیگ کارکردن هەواڵگێری وەلایەن وەڕێوەبەرایەتی هەواڵگێری و دژە تیرور دروسکریا لە بەغداد کەرخ ئەرا وە دویاچگن ئەرا ماشینەگە و دەسگیرکردن رانندەگەی، لەدویای تەواوکردن لێکۆڵینەوەیل سەرەتایی، مەفرەزەیلمان توەنست دەسبنەێد وەبان ماشینەگە و رانندەگەی دەسگیر بکەێد کە پیاوە هاتوچوگە تلانیە هەنای لە مەوقەی ئەرکەگەی بویە.

سەرچەوەیگ ئەمنی وەئاژانس شەفەق نیوز وت، رانندە دەسگیرکریاگە یەکیگە لە پاسەوانەیل ئەندام پەرلەمانیگ عراقی.