ئاسایش نیشتمانی 35 کەس وە توومەت چزداین دەسگیرکەن لە 6 پارێزگا
2023-04-13T09:54:27+00:00
شەفەق نیوز/ مەفرەزەیل ئاسایش نیشتمانی توەنستن دەیان توومەتبار وە چزداین دەسگیربکەن وەپای یاداشتنامەی دەسگیرکردن وەلایەن دادگا وەپای بەیاننامەیگ رەسیە ئاژانس شەفەق نیوز.
لە بەیاننامەی ئەمن نیشتمانی راگەیان" 35 توومەتبار دەروین نزم جویرەیل جیاواز لە چزداین وەکارهاوردنە وەرانوەر وە قوربانیەیل و داوای بڕە پویل گەپیگ لەلیان کریایە لەوەرانوەر بڵاونەکردن وینەیل تایبەتیان لەبان تووڕەیل کۆمەڵایەتی"..
وتیش" ئۆپراسیۆن دەسگیرکردنیان لە پارێزگایەیل (ئەنبار، دیالە، بابل، کەربەلا، واست، کەرکوک) وەڕیەوچی لەبان ئەو سکاڵایەیلە قوربانیەیل تووماری کردوێن وەپای یاسا هەڵسوکەفت وەردی کریا.
دیاریکرد، لەدویای وەرگردن قسەیلیان، گشتیان ئەرا لایەنەیل دادگایگردن کلکریان ئەرا تەواوکردن رێکارەیل پێویستەیلیان.
