ئاسایش فروشیارەیل "کەرەستەیل قۆپیەکردن" تاقیکردنەوەیل لە باشوور عراق دەسگیرکەێد

شەفەق نیوز/ مەفرەزەی دەزگای ئاسایش نیشتمانی بەسرە، ئمڕوو دووشەممە، دوو توومەتبار دەسگیرکردن کە توومەتبارن وە فروشتن کەرەستەیل "قۆپیەکردن ئەلکترۆنی پیشکەفتی"، کە ئەرا تاقیکردنەوەیل وەکارتێد.

دەزگاگە لە بەیانامەیگ رەسیە ئاژانس شەفەق نیوز راگەیان "ئپراسیۆنەگە لەبان زانیاری هەواڵێری هویردیگ هات، لەری وەدویاچگن لە ئەنجام توومەتبارەگە دەسگیرکریا".

لە بەیاننامەگە هاتیە دەسگردنە وەبان 9 هێدفۆن قۆپیەکردن ئەلکترۆنی پیشکەفتی و 12 پارچە دڵنگ کە سیستەم هێدفۆن شاریاگ هاناویان، 24 سیستەم پەیوەنیکردن لە شیوەی ڤیزا کارت، و 50 باتری ئەرا دەمداین ئامێرەیل، وەرد کەرەستەیل ئامادەکریاگ بەسانن کەرەستەیل".

لە ئۆپراسیونیگ جیا، مەفرەزەیل ئاسایش نیشتیمانی وەپای بەیاننامەگە، توەنست تومەتبار ترەک دەسگیربکەێد کە کەرەستەیل قۆپیەکردن فروشتیە، وەپی دەسگیریاس وەبان  کەرەستەیل نوو قۆپیەکردا کە بریتین لە هێدفۆ تایوەت و سیستەم پەیوەنی پیشکەفتی کە لە شوینەیلی دانرێد پەیاکردنی ئاسان نییە.

وتیش، "لە هەردوو ئۆپراسیۆنەگە دوو توومەتبار وەپای مادە یاسای 132 لە یاسای سزادان دەسگیرکریان ئەرا تەواوکردن رێکارە یاسایەیل پێویست".